Поранешниот бугарски премиер Костов: Бугарската политика кон РС Македонија е европска, недостасува реципроцитет од нивна страна

Војната во Украина ќе продолжи уште долго, а тоа создава сериозни ризици за нашата земја. Ова го изјави поранешниот бугарски премиер Иван Костов во емисијата „Денот започнува со Георги Љубенов“ на Бугарската национална телевизија. Според него, во оваа ситуација, национален интерес на Бугарија е уште подлабоко да се интегрира во евроатлантската заедница, што вклучува брзо усвојување на еврото, пристапување во Шенген зоната и модернизација на бугарската армија.

„Оваа војна носи со себе не само економска, но и политичка дестабилизација. Од оваа гледна точка, најважно за Бугарија е што побрзо да влезе во внатрешните кругови на евроатлантските интеграции, што значи да стане многу поактивна во модернизацијата на бугарската армија, да влеземе во Шенген, да го воведеме еврото.И да не сме спремни за еврозоната, се сеќавам дека и Грција воопшто не беше подготвена, но се сеќавам дека господинот Симитис помогна да се случи тоа, иако не беа исполнети критериумите од Мастрихт, бидејќи имаше поважни политички цели“, рече Костов.

Според него, Бугарија има голем проблем во позиционирањето како општество. Според Иван Костов, фактот што Бугарија не и дала помош на Украина, туку ѝ продала арсенал преку посредници, не создава голема доверба во бугарската евроатлантска вредност, а политиките како оние на БСП и „Преродба“ ја влечат Бугарија и ја држат на периферијата – во просторот каде што се протегаат сомнежите и на ЕУ и на НАТО, што раѓа сомнеж дека не сме доволно солидарни со оваа политика.

„Проблемот е што политиката и позицијата на НАТО и ЕУ не се јасно формулирани од најавторитетните места. Од највисоките места – министерот за енергетика, премиерот и претседателот – не зборуваат и не го убедуваат Бугарското општество дека овој став е точен.Напротив – сеат сомнежи.

„ Ние сме тие што ја сакаат војната, целата евроатланска заедница во очите на претседателот Радев. Тој зборува како руски агент на влијание. Не може да има толку моќни гласови на руски агенти на влијание во Бугарија, да се постојано на телевизија и да очекуваме бугарското општество правилно да се ориентира – нема шанси тоа да се случи“, посочи тој.

Костов посочи дека во сегашната ситуација во однос на економскиот раст не може да се зборува за економска криза во Бугарија.

Според Иван Костов, Бугарија успеала да премости една од двете големи провалии со кои се соочува во обезбедување силна парламентарна поддршка за воена помош за Украина.

„Другата провалија, сепак, останува отворена и сѐ подлабока. Во пракса, Борисов владее – сите клучни тела остануваат со непроменето раководство. Блокирањето на овој парламент го спречи ова отстранување од клучните позиции на пирамидата – затоа што тоа е мафијашка пирамида сместена во институциите на моќта. И не можете да ја запрете оваа борба на средина, знаете? И нема начин да се премости тој јаз“, рече тој.

Иван Костов повика на исполнување на условите за Планот за закрепнување, кои вклучуваат реформи во судството, надлежностите на главниот обвинител, укинување на можноста високите обвинители да ги поништуваат актите на подредените. Ова според него ќе помогне и за пристапувањето на Бугарија во Шенген.

За тензиите меѓу Софија и Скопје, поранешниот премиер изјави дека политиката на Бугарија кон Република Северна Македонија е европска, но недостасува реципрочен однос.

„Европска политика е да дозволиме два автобуси, на чело со Мицоски, да бидат примени во Благоевград за да ги остават своите цвеќиња на кого сакаатј што им одговара. Во спротивна насока, сепак, ова не го гледам. Ние не отстапуваме од европската политика, страната што отстапува од таа политика е PCM.

Она што го видовме вчера – такво нешто нема во Европа. Такво однесување не може да постои. Одбивањето на Северна Македонија да положи цвеќе заедно со бугарската делегација е прекршување на договорот меѓу двете земји. Имаше традиција на заедничко славење – колку пати премиерите и министрите отидоа и заедно славеа. Нашиот министер отиде, беше таму и тие не сакале да прослават заедно со него.

Направивме многу во блиското минато – Бугарија прва ја призна Македонија – одамна го заборавија тоа. Сега може би мислат дека СССР прв ги признал. Им помогнавме во тешките времиња кога огромни маси депортирани косовски Албанци дојдоа на нивната граница. Ние бевме втора земја во светот по висината на помошта што им ја дадовме, иако во тоа време бевме во тешка состојба – и тие го заборавија тоа. Ние бевме тие што им помогнавме да избегнат граѓанска војна – им дадовме тенкови за да ги респектираат Албанците и да го постигнат Охридскиот договор.

Се створи капитал, но кога овој капитал почна да се девалвира и уништува – во моментот кога Бугарите со бугарска самосвест почнаа да создаваат свои организации во Северна Македонија. И тогаш се покажа дека голем дел од северномакедонската елита погледна кон Белград. Ова прекршување и овие репресии врз луѓе со бугарска самосвест – репресии на етничка основа – ова е неприфатливо и е тотално кршење на основните норми. Мора да разберат дека ги минуваат границите, кои ја идентификуваат Европа како заедница“, рече Иван Костов.