Последен ден од распустот: Приказна за 10-годишната Светлана од Бугарија, која ги спојува музиката и спортот

На прагот на новата учебна година во Бугарија, Бугарското национално радио ја раскажува приказната на едно 10-годишно девојче. Приказна во која се гледа како талентот, трудот и љубопитноста создаваат успешно и инспиративно детско секојдневие.

Станува збор за Светлана Владиславова Цолова од Софија, која летото го помина во врачанското село Згориград заедно со своите тројца браќа. Таму, во атмосфера на селскиот живот, ја задржа својата блискост со музиката – секогаш со флејтата во рака, без разлика дали е на училиште или на распуст.

Од септември Светлана започнува ново поглавје како ученичка во четврто одделение во Националното музичко училиште „Љубомир Пипков“. Освен со свирењето флејта, таа активно се занимава и со пеење – учи народни песни, настапува во детскиот хор „Пим Пам“ и пее како солист во различни формации.

Но нејзиниот свет не е ограничен само на музиката. Светлана тренира пливање и атлетика, каде веќе бележи успеси и освојува медали. Учествува на музички и спортски натпревари, носејќи дома награди и признанија.