Потреба од консензус и реформи во изборниот систем

Претседателот на Собранието, Африм Гаши, денеска одржа координација со координаторите на пратеничките групи по паузата предизвикана од локалните избори. На состанокот, Гаши нагласи дека е неопходно да се донесат измени на Изборниот законик или, во најлош случај, да се донесе нов закон, кој ќе ги решава постоечките проблеми во изборниот процес.

Како што истакна, на координацијата сите присутни се согласиле дека е потребно да се разговара за нови законски решенија и да се постигне консензус за реформите. Еден од главните предлози е да се изготви нов Изборен законик, кој ќе ги реши проблемите во финансирањето на политичките партии. Со актуелните одредби од 2021 година, само две партии имаат право на финансирање, што не ја одразува реалноста, каде што постојат три владејачки и три опозициски партии.

Гаши не ги исклучи можноста за реформа на изборниот систем, како што е идејата Македонија да биде една изборна единица, што може да ја промени динамиката на изборите и да ги подобри праведноста и репрезентативноста на системот.

Измените на Изборниот законик или новото законско решение треба да ги решат сите проблеми кои досега се појавувале во изборните процеси, било да станува збор за парламентарни, претседателски или локални избори. Препораките на ОБСЕ, како и прашањата околу финансирањето на изборните кампањи, начинот на кандидирање на независни кандидати, изборните цензуси, предвремената кампања и изборниот модел, треба да бидат опфатени со новите закони.

Со овие измени, целиот изборен процес би требало да стане по-ефикасен, транспарентен и во согласност со меѓународните стандарди.