Пожар зафати две возила во скопски Аеродром, едно целосно опожарено
Во раните утрински часови во Скопје избувнал пожар кој зафатил два паркирани автомобили во подрачјето на општина Аеродром.
Според информациите од МВР, на 06.06.2026 околу 02:53 часот било пријавено дека е опожарено патничко возило ауди со скопски регистарски ознаки, сопственост на Б.И. (56) од Скопје, кое претходно го управувал А.И. (28) од Скопје.
Од пожарот било зафатено и друго патничко возило ауди, исто така со скопски регистарски ознаки, сопственост на Г.Т.
На терен интервенирала Бригадата за противпожарна заштита Скопје, која го изгаснала пожарот, а повредени лица нема.
Увид извршила екипа на СВР Скопје, а надлежните служби работат на расчистување на случајот.
