Пред 115 години е потпишан протоколот со кој Отоманската империја официјално ја признава независноста на Бугарија
Денеска се навршуваат 115 години од потпишувањето во Константинопол на бугарско-турскиот протокол, со кој Отоманската империја ја признава независноста на Бугарија, прогласена на 22 септември 1908 година во Трново.
Со овој чин Бугарија официјално станува независна од Отоманската империја, која пак се откажала од било какви материјални барања.
Документот со посредството на амбасадори го потпишале бугарскиот министер за трговија Андреј Љапчев и турскиот министер за надворешни работи Рифат Паша, потсетува БТА.
