Реконструкција и реставрација на конакот во Мелник – ќе стане музеј на градот

Во Мелник започнаа активностите по целосна реконструкција и реставрација на една од најпознатите згради во градот– т.нар. конак. Идејата на локалната власт во Сандански е таа да се претвори во музеј, кој ќе ја собере богатата историја на најмалиот град во Бугарија, јавува БНР.

Конакот е една од најемблематичните згради во Мелник, прогласена за национална вредност со историско и архитектонско значење. Недостигот од средства за одржување и зајакнување на објектот ја правеше неупотреблива со години, што доведе до сериозни оштетувања.

Со средства обезбедени преку Програмата за развој на регионите започна целосна реконструкција и реставрација на Конакот и претворање на зградата во музеј на градот. Освен конструктивното зајакнување, проектот предвидува оформување на отворени простори, кои обезбедуваат функционалност и удобност за вработените и посетителите.

Целосно ќе бидат заменети дотраените инсталации преку воведување современи системи за греење, климатизација, вентилација и безбедност. Предвидено е и обезбедување пристапна средина за лица со попреченост.

Ќе биде обновен и просторот околу зградата, вклучително плоштадот, скалите и зелените површини.

Со реализацијата на проектот Конакот ќе се претвори во современ музеј и привлечен културен центар, кој ќе го збогатува духовниот живот на Мелник и регионот.