СДСМ: Груевски на црната листа на САД а Мицкоски молчи, затоа што се исти

/

Никола Груевски, шефот на Христијан Мицкоски и човек кој се уште управува со ВМРО-ДПМНЕ „од сенка“ е ставен на црната листа на Соединетите американски држави. Како што објави Стејт Департментот и како што одамна знаат граѓаните, Груевски е вмешан во коруптивни дела како искористување на неговото политичко влијание и моќ за лична корист, ја злоупотребил моќта на својата фукција за да бара и зема мито во замена за владини договори, присвојувал државни средства и се мешал во изборните процеси, се вели во соопштението од СДСМ.

Од партијата додаваат дека покрај Груевски, на оваа црна листа е и неговиот братучед, Сашо Мијалков. Ова е уште една силна потврда за криминалот кој постоел во врвот на ВМРО-ДПМНЕ.

Мицкоски молчи затоа што се потполно исти, затоа што таа криминална и режимска матрица и ден денес е присутна во опозициската ВМРО-ДПМНЕ.



Дел од клучните луѓе на Груевски и режимот, денес се клучни луѓе на Мицкоски.

ВМРО-ДПМНЕ останува единствена партија на криминалот, партија која работи на штета на интересите на граѓаните и државата, се вели во соопштението.

Претходна статија

СДСМ: Наставниците да се водат од интересите на децата, ВМРО-ДПМНЕ да престане со партизација на штрајкот

Следна статија

ВМРО-ДПМНЕ: Спасовски да поднесе оставка, снимката од убиството на Тот е доказ дека МВР го прикривала случајот

Најново од Вести