СДСМ: Противпожарната бригада има гориво за уште неколку дена, загрижувачка е неспособноста на Арсовска

/

Секојдневно на виделина испливува неспособноста на Данела Арсовска. Според јавно достапните информации, Противпожарната бригада има гориво за уште една недела. Ваквата неодговорност е загрижувачка затоа што се работи за основен ресурс на еден од најважните сервиси на Градот, се вели во соопштението од СДСМ.

Од партијата додаваат дека во ваква ситуација може да дојде до попречување на редовното функционирање на противпожарната бригада, со што во опасност може да се доведат општата безбедност и здравјето на граѓаните.

Поради неспособноста на Арсовска, претходно Град Скопје остана без печатачи, а неколку дена граѓани на цели општини останаа без јавен превоз затоа што Град Скопје не им плаќаше на приватните автобуски превозници.

Скандали, неработа и неспособност, тоа ги одбележа првите седум месеци од мандатот на Арсовска и ВМРО-ДПМНЕ.



Арсовска е, дефинитивно, најнеуспешниот градоначалник на град Скопје и едно од најголемите разочарувања за граѓаните, се вели во соопштението.



Претходна статија

Ќе го добиеме најмоќното оружје досега, тврдат Украинците

Следна статија

Одбележан Денот на мултипла склерозата – Град Скопје со поддршка во активностите за интеграција и подигнување на свеста

Најново од Вести