СДСМ: ПРВИТЕ ДВЕ ГОДИНИ ОД МАНДАТОТ НА ВЛАДАТА СЕ ГОДИНИ НА НАПРЕДОК, ЕКОНОМСКИ РАСТ, РАЗВОЈ И ИНТЕГРАЦИЈА

//

По две години од формирањето на Владата предводена од СДСМ очигледен е напредокот на државата во секој сегмент.

Од заробена држава, денес Северна Македонија е светол пример за регионот, демократска, развиена држава во која човековите права и слободи се почитуваат и унапредуваат, институциите се во служба на граѓаните, економијата расте и се повеќе пари завршуваат кај граѓаните.

Од држава во изолација, денес добивме свое столче во НАТО и сме пред добивање датум за почеток на преговри за членство во ЕУ.

По најпозитивниот Извештај од Европската комисија и безусловната препорака, очекувано е многу наскоро нашата држава да ги започне преговорите со ЕУ.

Досега, 13 земји членки го ратификуваа Протколот за пристапување во НАТО. По ратификацијата во сите земји членки, Република Северна Македонија станува 30 земја членка на НАТО Алијансата.



Овие успеси резултираа и со зголемена доверба во економијата. Во последните две години растат платите во сите сектори, порасна минималната плата, а растат и пензиите. Забележан е значителен раст на индустриското производство и извозот, а 2018 е година на рекордни странски инвестиции кои изнесуваа 624,5 милиони евра.

Во првите две години од мандатот покажавме како е да се работи одговорно, домаќински и во интерес на граѓаните. Продолжуваме уште позасилено во реализација на мерките што обезедуваат поголем раст на економијата, напредок, развој и интеграција во ЕУ и НАТО, се вели во соопштението на политичката партија СДСМ.



Претходна статија

ПРИКАЗНИ ОД БУЛЕВАРОТ: УЛИЦА НА ИМЕ СТОЈАНЧЕ СТОИЛОВ!!!

Следна статија

ВМРО-ДПМНЕ: ВЛАДАТА НА СДСМ ЗА ОВИЕ ДВЕ ГОДИНИ СТАНА СИМБОЛ ЗА НЕРАБОТА, КРИМИНАЛ, НЕПОТИЗАМ И КОРУПЦИЈА

Најново од Вести