ШВАЈЦАРИЈА ЗАБРАНУВА ЈАВНИ СОБИРИ ПОРАДИ КОРОНАВИРУСОТ
Швајцарската влада објави дека ги забранува сите „јавни и приватни“ собири во земјата, како мерка за да се спречи ширењето на коронавирусот. Мерката ќе стапи на сила веднаш и ќе трае до 15 март, пренесува АП.
Владата соопшти дека мерката се очекува да обезбеди ефикасна заштита на луѓето во Швајцарија и јавното здравство и би требало да го спречи ширењето на вирусот во земјата.
Мерката ќе влијае и на годишниот саем за автомобили во Женева, што се одржува од 5 до 15 март и привлекува десетици илјади посетители секоја година.
Извор: Макфакс
