Четириесеттото „Скопско лето” завршува вечер со вокално-инструментален концерт „70 лета” на Ансамблот за народни игри и песни на Македонија „Танец”, кој годинава одбележува седум децении постоење. Концертот ќе се одржи на плоштадот „Карпошово востание” со почеток во 20.30 часот.
Ансамблот имал повеќе од 4.500 концерти во земјава и во светот пред околу осум милиони гледачи. Седумдесетгодишнината од основањето „Танец“ пред еден месец во Националната опера и балет ја одбележа со свечен јубилеен концерт насловен „Во чекор“.
