Софискиот аеродром ќе стане најголем центар за техничка служба во воздухопловството

Аеродромот во Софија ќе стане најголемиот центар во Источна Европа за одржување на воздухопловството. Ова беше истакнато денеска на средба на в.д. министерката за транспорт и врски Красимира Стојанова со претставници од воздухопловната индустрија, соопшти прес-центарот на министерството.

Министерката Стојанова изрази подготвеност за учество на работни и иновативни средби и целосна поддршка за сите нови проекти во секторот. Во текот на разговорот беа поставени прашања поврзани со безбедноста на персоналот во индустријата, инфраструктурата на северниот регион на аеродромот во Софија, валидацијата на документите на странските пилоти во Бугарија и друго.

Добриот дијалог во воздухопловниот сектор води до добри одлуки, рече на крајот од средбата министерката Стојанова.

Министерката Красимира Стојанова претходно денеска учествуваше на презентацијата на идејното решение за аеродромот во главниот град. Таа посочи дека министерството предводено од неа следи одржлива политика на развој на аеродромската инфраструктура, дел од која е и привлекувањето на големи инвеститори, како што е сегашниот концесионер на софискиот аеродром – „Соф Конект“.

Фото: БТА