Советник на командантот на вооружените сили на Киев: „Украина сака само една работа“
Помошник на врховниот командант на Украина рече дека Киев се обидува да ги врати сите територии изгубени од Русија од 2014 година.
Украина ќе одбие да преговара со Русија и ќе се бори да се врати на нејзините граници од 1991 година – воспоставени по гласањето за независност во пресрет на распадот на Советскиот Сојуз, наведе Ден Рајс, американски државјанин кој го советува главниот командант на киевските вооружени сили.
Dan Rice, an advisor to the commander of Ukraine’s army, tells CNN that Russia is “trying to get to the negotiating table, to try to go back to the 2014 lines.” That means Crimea and the Donbas.
But “Ukraine won't have it. Ukraine wants all of their land back to the '91 lines.” pic.twitter.com/unyljYKJuB— Aaron Maté (@aaronjmate) October 19, 2022
Говорејќи во вторникот во интервју за Ерин Бурнет на Си-Ен-Ен, Рајс апелираше до западните земји за дополнителна испорака на оружје за Украина, додавајќи дека иако на земјата очајно ѝ се потребни системи за противвоздушна одбрана и авиони, таа не е заинтересирана за дипломатија со Москва.
„Русија се обидува, според мене, да дојде до преговарачка маса, да се обиде да се врати на линиите од 2014 година“, рече Рајс. „Украина тоа нема да го дозволи. Украина ја сака целата своја земја назад, на линиите од ’91 година“.
Границите на Украина од 1991 година ги опфаќаат четири поранешни украински региони – Доњецк, Луганск, Херсон и Запорожје – како и Крим, кои сите гласаа за приклучување кон Руската Федерација во серија референдуми.
