Српски терор врз Бугарите од Западните покраини: Забранет влез за Едвин Сугарев и пријава за првиот човек на КИЦ „Босилеград“ Иван Николов

Српскиот режим денеска уште еднаш изврши терор врз Бугарите од Западните покраини, јавува БГНЕС.

На „Денот на Западните покраини“, службеници на српската државна безбедност најпрвин упаднале во канцеларијата на „Културно-информативниот центар „Босилеград“, а потоа одзеле книги на Едвин Сугарев, кој е поранешен конзул во гр. Ниш. Воедно со тоа, граничната полиција не му дозволи на самиот Едвин Сугарев да влезе на територијата на Србија и вечерва да присуствува на презентацијата на неговата книга во клубот на КИЦ „Босилеград“.

Службениците на српската државна безбедност „покренале пријава за етничка, расна и верска омраза“ против директорот на КИЦ-Босилеград Иван Николов.

Она што се случи денеска не е преседан или изолиран случај. Ова е уште еден доказ за официјалната антибугарска и денационализирачка политика на режимот во Белград, кој трае повеќе од 120 години. Во него, денеска активно и доследно учествуваат претседателот Александар Вучиќ и министерот за надворешни работи Ивица Дачиќ, пишува БГНЕС.

Пред само неколку месеци Вучиќ лично во Софија призна дека Бугарите од Западните покраини се прислушкувани, а Ивица Дачиќ изјави дека „се додека нема Срби во Бугарија, нема да има и Бугари во Србија“.

Фото: БГНЕС