Генералниот секретар на НАТО, Јенс Столтенберг, во интервју за грчката новинска агенција АНА-МПА го изрази своето задоволство од напорите на Македонија и Грција да најдат решение на спорот за името. Столтенберг го повтори ставот на Алијансата дека Македонија ќе добие покана за членство дури откако ќе се постигне решение на спорот со Грција. Првиот човек на НАТО изјави дека на овогодинешниот самит на НАТО ќе се разгледаат кандидатурите за членство на Босна и Херцеговина, на Грузија и на Македонија.
