Светлин Русев и Константин Илиевски: Има со што да се гордееме!

Маестро Константин Илиевски и виолинистот Светлин Русев вечерва за првпат застануваат заедно пред оркестарот на радиото. За нив тоа е големо предизвикателство.

Светлин Русев ќе биде солист на празничниот концерт на Симфонискиот оркестар на БНР, посветен на Денот на независноста на Бугарија. Настанот започнува во 19:00 часот во Големата сала на Софиската опера и балет.

Посебен белег на програмата ќе биде изведбата на Химната на независноста од Георги Шагунов со учество на Детскиот хор на БНР со диригент Венеција Караманова.

“Чувството е прекрасно со Светлин. Тој има особено силна енергија која се чувствува веднаш, од првиот момент кога ќе засвири. Подготовките и пробите одат само напред со него. За мене е големо задоволство”, изјави маестро Илиевски.

Истото важи и за виолинистот Светлин Русев, кој додаде дека предизвик за овој концерт е необичниот и ретко изведуван репертоар.

За нас ова е прекрасен почеток на нашата сезона“, изјави Константин Илиевски во емисијата „Хоризонт до пладне“. Според неговите зборови, Денот на независноста е она што не прави единствени. Според него, овој празник треба да има многу поголема тежина.

„Јас сум патриот, многу би сакал постојано да бидам тука и се надевам дека тоа ќе се случи во иднина“, сподели Русев.

„Има многу со што да се гордееме! Мора да веруваме, да го шириме ова, да бидеме среќни и да не го заборавиме“.

Константин Илиевски се согласи и додаде дека мораме да ги воспитуваме нашите деца во вистински патриотизам:

„Кога младите имаат на што да застанат, кога чувствуваат дека ја продолжуваат традицијата, оваа гордост се засилува и не е само гордост, тие имаат одговорност да ја продолжат. Младите се тие кои ќе ја градат иднината на оваа земја и треба да ги запознаеме со нашата култура“.

Празничниот концерт ќе се пренесува во живо на програмата „Христо Ботев“ на БНР.

Фото: БНР