Свлечиште на патот кон манастирот „Св Јоаким Осоговски“
На локалниот пат кон манастирот Свети Јоаким Осоговски (на старата траса) на околу 100-150 метри од самиот манастир, повторно се активираше свлечиште од поголеми размери кое го отежнува нормалното одвивање на сообраќајот.
Од општината велат дека се преземени активности за да се овозможи нужното одвивање на сообраќајот, но додаваат дека во моментот не е можно целосно санирање на свлечиштето поради големиот обем на истото и неповолните временски услови. Критичното место е соодветно означено и сообраќајот се одвива на стеснет дел од коловозот.
Локалната власт препорачува до санацијата на свлечиштето за сообраќај да се користи новиот (руски) пат.
