Tрамп објави прекин на огнот: „Примирјето е во сила, ве молам не го кршете“
Американскиот претседател Доналд Трамп објави дека официјално стапил во сила прекинот на огнот меѓу Израел и Иран.
„Примирјето сега е во сила, ве молам не го кршете! Доналд Џ. Трамп, претседател на САД“, напиша Трамп на својата социјална мрежа Truth Social.
Иран првин негираше дека е постигнато примирје и истрела нови проектили. Шефот на иранската дипломатија, Абас Аракчи, рече дека во оваа фаза нема договор за прекин на огнот и дека иранските вооружени сили ќе продолжат да се борат до последен момент. Сепак, тој рече дека Иран е подготвен за примирје доколку Израел ја прекине својата нелегална агресија врз иранскиот народ најдоцна до 4 часот наутро по Техеран.
Во текот на ноќта Иран истрела ракети кон Израел, при што загинаа три лица.
Подоцна иранската државна телевизија објави дека прекинот на огнот стапил на сила.
