Украина доби американски ПВО системи „Патриот“ од Германија

Украинскиот претседател Володимир Зеленски соопшти дека земјата добила нови американски противвоздушни системи „Патриот“ од Германија, но не го откри бројот на доставените системи.

„Денес можеме да кажеме дека има добри резултати за нашата противвоздушна одбрана – Украина веќе располага со повеќе системи ‘Патриот’. Сакам да му се заблагодарам на канцеларот Шолц, на Германија и на сите што ни помагаат. Нашите договори се исполнети. Во Украина веќе има повеќе вакви системи кои се ставаат во функција“, изјави Зеленски.