Украина: Русите погодија во зграда, едно лице под урнатините, меѓу спасените има и дете

Најмалку едно лице загина во руски ракетен напад во текот на ноќта кој погоди станбена зграда во источна Украина, соопштија властите.

Уште петмина, меѓу кои и едно дете, беа спасени, но се верува дека најмалку едно лице е заробено под урнатините по нападот на градот Селидово, северозападно од градот Доњецк, окупиран од Русија, изјави министерот за внатрешни работи Ихор Клименко.

„Четирикатницата е тешко оштетена“, рече тој на Телеграм.

Ирина Шушура, полициска медицинска сестра, изјави за Ројтерс на местото на настанот дека двата напади биле околу 1 часот по полноќ, едниот удрил во зграда, а другиот на околу 100 метри.

Спасувачките работници ги расчистуваа урнатините и ги предупредија жителите да не се приближуваат до структурата, која се чини дека била уништена од ударот.