(Видео) Денков: Подготвени сме да евакуираме уште Бугари од Израел

Подготвени сме за дополнителен лет за евакуација на Бугарите од Израел, доколку има такви што сакаат. Ова го изјави премиерот на Бугарија Николај Денков, кој на Фејсбук одговараше на прашања од граѓаните и медиумите.

„Најважно е што успеавме брзо да ги повлечеме бугарските граѓани од таму“, рече Денков.

Во 3 часот и 40 минути утринава уште 76 Бугари успешно слетаа од Израел. Вицепремиерката и министерка за надворешни работи на Бугарија Марија Габриел, претседателот на Народното собрание Росен Желјазков и заменик-претседателката на бугарскиот премиер Филиз Хусменова ги пречекаа евакуираните бугарски државјани. Во авионот патувале и 14 други државјани: 6-Романија, 2-Австрија, 2-Италија, 2-Германија, 1-Грција, 1- Израел.

„Успешната репатријација на нашите сонародници е резултат на брзата реакција на МНР, Министерството за транспорт и врски и добрата координација на сите институции. Во постојана комуникација сме со нашиот амбасадор во Израел и со ситуациониот центар и внимателно ја следиме ситуацијата“, коментира вицепремиерот Габриел, јавуваат од МНР.

Од таму повикуваат бугарските граѓани строго да се придржуваат до упатствата на израелските власти, кои постојано се ажурираат и ги земаат предвид спецификите на одделните региони во земјата.