(Видео) Дико Илиев – творецот на „Дунавско оро“

Дико Илиев е роден во 1898 година во сиромашно семејство во селото Карлуково, Луковитско. Завршува четврто одделение, а во 1911 година станува ученик-музичар во воениот оркестар на 16-ти пешадиски ловчански полк во Орхание (денес Ботевград), без претходно музичко образование, пишува Актуално.

Учествува во Балканските војни и во Првата светска војна. Во 1917 година на Добруџанскиот фронт го создава своето прво авторско оро – „Искарско оро“, кое брзо станува популарно поради новаторското звучење.

По војната свири како оркестрант во Военото училиште во Софија, а подоцна настапува на свадби во Врачанско. Од 1931 до 1958 година неговиот професионален пат е поврзан со оркестарот на 36-ти пешадиски козлодујски полк. Во 1948 година станува диригент на оркестарот, а паралелно го води и оркестарот во рамките на читалиштето во Орјахово.

Дико Илиев создава десетици авторски ора, китки и маршеви и аранжира народна музика за дувачки оркестри. Меѓу неговите најпознати дела се „Дунавско оро“, „Александријка“, „Добруџанско оро“ и „Мајски цвеќиња“.

„Дунавско оро“ и денес традиционално се изведува на 31 декември при дочекот на Новата година во Бугарија. Делото „Александријка“ е посветено на неговата ќерка Александра, која починала на 14 години.

Дико Илиев добил бројни награди, а во негова чест е именуван и ледник на Антарктикот. Во Орјахово секое лето се одржува панаѓур, во чија програма се застапени негови композиции.