(Видео) Најголемата црква во Јужна Бугарија се наоѓа во Смолјан

Најголемата православна црква во Јужна Бугарија, која го носи името на Свети Висарион Смоленски, е изградена во родопскиот град Смолјан. Споменот на светителот се одбележува на 29 јули, јавува дописникот на БГНЕС од регионот.

Свети Висарион е меѓу новите светци канонизирани од Бугарската православна црква заедно со Свети Пајсиј Хилендарски и Свети Софрониј Врачански. Малку се знае за свети Висарион. Тој живеел во 17 век и бил брутално убиен за време на владеењето на султанот Мехмед VI.

Во 80-тите години, благодарение на заложбите на месните патриоти и на игуменот на бачковскиот манастир Поликарп, името на светителот е откриено во диптисите на Вселенската патријаршија.

Свети Висарион, чие световно име е Виталиј, беше канонизиран во 1987-1988 година.

На 7 април 2002 година, храмот бил осветен во новиот центар на Смолјан, на настанот присуствувале многу официјални гости на највисоко ниво, вклучително претставници на бугарскиот претседател и парламентот.

Црквата, која е изградена во модерен стил, може да прими околу 500 верници. Висината на куполите е 24 м, а на камбанаријата е 32 м.

Дрворезот на иконостасот, како и на митрополитскиот трон, се дело на проф. д-р Кунчо Цанев од Софија. Проф. д-р Дечко Дечев заедно со сопругата ги сликаат иконите на иконостасот. Во сликањето на царските и апостолските икони им помагаат нивните ученици.

Гордоста на храмот се 11 уникатни ѕвона, кои вкупно тежат околу 5 тони. Најголемото од нив тежи 1950 кг. и е високо 152 см.