(Видео) Перев: Не треба да се отстапува од бугарската кауза во РСМ

„Ние македонските Бугари јасно му порачавме на премиерот Кирил Петков дека не се согласуваме со отстапки кои ќе ја загрозат бугарската национална кауза во РСМ и тој тоа го сфати“, ова за БГНЕС го изјави новинарот Владимир Перев по средбата со премиерот Кирил Петков што се одржа синоќа во Министерскиот совет.

За време на разговорите со премиерот, тие ја изразија својата загриженост дека не секогаш го разбираат ставот на бугарската влада за македонскиот Устав и местото на Бугарите во него.

„Разбравме дека бугарската Влада сака да ги направи првите чекори кон договор што ќе ги доведе македонските Бугари до Уставот пред отворањето на првото поглавје. Преовладуваа две мислења, кои на крајот се претворија во едно – невозможно е да се надмине какво било недоразбирање меѓу РС Македонија и Бугарија без македонските Бугари да влезат во Уставот и да ги почитуваат нивните права“.

Тој додаде дека се разговарало и за учебниците и спомениците.

Како заклучок, Владо Перев истакна дека македонските Бугари „стојат не само зад добрите односи меѓу РС Македонија и Бугарија, туку и зад заштитата на бугарската национална кауза во Македонија, која е загрозена во последните 100 години, а премиерот мора да го има во предвид“.