(Видео) Вархеи во ЕП: РСМ мора во целост да ги исполни договорите што ги потпиша

„Важно е во случајот на Северна Македонија да има јасно утврдени правила – не само во самата преговарачка рамка, туку и во заклучоците на Советот, со кои се одобрува општата преговарачка рамка. И тука критериумите се јасни: добрососедски односи и потпишаните договори, за да се помогне процесот, мора да се спроведат во целост. И ова е дел од процесот на пристапување. Европската комисија ќе го следи овој процес, оваа година повторно ќе го следиме процесот. И – да, се запознав со развојот на настаните. Се сретнав и со претставници на граѓаните од Северна Македонија кои се декларираат како Бугари, тие исто така ми кажаа за последните случувања на оваа тема. Но, она што ме охрабрува е фактот дека владата во Скопје не е само свесна, туку и работи на запирање на насилството и омразата врз Бугарите. Видовме непосредна реакција на владата. Виновниците се уапсени, постои полициска истрага и се надевам дека ќе следи судење. Мислам дека ова ни го покажува и нивото на вклученост на власта“. Ова неделава во салата на ЕП го изјави европскиот комесар за проширување Оливер Вархеј како одговор на пратенички прашања.

На прашањето на Андреј Ковачев дали комесарот може да потврди дека не само промените во Уставот (за вклучување на Бугарите во него) туку и почитувањето на Договорот за добрососедство меѓу Софија и Скопје од 2017 година, заедно со двата протоколи кон него , се предмет на мониторинг и од ЕК за почеток на преговорите за РСМ, комесарот за проширување одговори:

„Да, потврдувам – сите тие се дел од преговарачката рамка. Како и договорот од Преспа. И ЕК треба да ги следи Ова е дел од општите политички критериуми на преговорите, дел од главните принципи. Есента оваа година повторно ќе подготвиме целосен извештај за мониторингот“.

„Мислам дека тоа што го видовме околу 4 февруари, роденденот на општиот херој Гоце Делчев, не беше охрабрувачки. Се надевав на нешто повеќе – нешто за што се договорија лидерите на земјите, имено – заеднички да ја дочекаат годишнината од раѓањето на заедничкиот херој. Се надевам дека следната година ќе има заедничка прослава.И мислам дека сите заедно како ЕУ треба да испратиме порака дека историјата е заедничка и треба да се слави како заедничка, како што се договорија двете земји “, рече еврокомесарот Вархеи во пленарната сала.

На прашањето на Александар Јорданов дали еврокомесарот има информации конкретно од владата на РСМ дали е започнат процесот на промена на содржината на учебниците во образовниот систем, „согласно општоприфатената научна вистина од цела Европа – за да не се учи за Бугарите како непријатели, фашисти, варвари, татари и други лаги кои со децении ги подметнуваат властите, медиумите и заинтересираните кругови во РСМ“, еврокомесарот за проширување одговори:

„Мислам дека е јасно што има во договорот меѓу двете земји, се надевам дека сето ова ќе се исполни. Овој конкретен проблем што го споменавте е исто така дел од договорот“.