(Видео) Во Софија e отворена изложбата „Нескршливите: светлината во мракот“ по повод 35-та годишнина од обновувањето на независноста на Украина

Фотоизложбата „Нескршливите: светлината во мракот“ на украинскиот доброволец и фотограф Сергиј Гимјуш е отворена во Националниот музеј „Земјата и луѓето“ во Софија, по повод 35-та годишнина од обновувањето на независноста на Украина, јавува БГНЕС.

Фотографиите прикажуваат волонтери, медицински работници, деца и семејства што останале без дом, истакнувајќи ги човечкото достоинство, солидарноста и надежта среде војната.

Гимјуш учествувал во хуманитарни мисии и го документирал животот во Украина. При евакуација во Харковската област бил тешко ранет во артилериски напад и ги загубил двете нозе, но продолжил да фотографира.

„Со објективот ја зачува вистината за она низ што поминува Украина и плати висока цена“, изјави украинската амбасадорка во Бугарија, Олесја Илашчук.

Изложбата, организирана од Амбасадата на Украина во Бугарија, ќе биде отворена до 28 август 2026 година.