Владимир Владев стана првиот бугарски акробат во Куќата на славните во гимнастиката на САД

Бугарскиот акробат Владимир Владев стана дел од Куќата на славните во гимнастиката на САД. Долгогодишниот натпреварувач и медалист во бугарската репрезентација го доби сертификатот на официјална церемонија во Сан Хозе. Овој успех дојде по 20 години напорна работа“, изјави тој за бугарскиот медиум во САД BG Voice. Тој до минатата година беше селектор на американската репрезентација во спортска акробација и го доби признанието за придонес во развојот на овој спорт во САД.

Владев е роден е во Трговиште во 1975 година, а кога имал 5 години, воспитувачките во градинка откриле дека има талент за гимнастика. Тренирал со Румјана Чукарска и Христо Колев во клубот „Светкавица“ – Трговиште. Сепак, тој е привлечен од акробацијата, сонува да прави сложени трикови. Шансата доаѓа во лицето на тренерот Кирил Минков, кој го забележува и го кани во тимот за акробации во Сливен.

Владимир почнува да тренира во тогашното престижно училиште за акробатика „Армиско друштво за физичка култура“ (АФД) во Сливен. „Од 12 години живеам сам, во интернат, само за да вежбам акробација – вели тој. Бев единствено дете во семејството и на моите родители не им беше лесно да ме испратат сам на 12 години во друг град.

Владимир Владев постигнал многу успеси во својата спортска кариера. Тој се натпреварувал заедно со својот партнер Румен Лачков во парови мажи. Бил европски шампион и светски вицешампион во 1993 и 1994 година. Двајцата имаат над 20 медали од светски и европски првенства.

По касарната, каде што бил во спортско друштво, дипломирал и на Националната спортска академија, насока „Спортска акробација“. Работел 2 години во Турција и една во Бугарија како аниматор. „Правав емисии – акробации и танцување“, објаснува тој.

Кога имал 28 години, заминал во САД, каде што неговиот партнер по акробации Румен Лачков веќе работел како тренер. „Румен ми кажа дека во еден клуб во Сан Антонио, Тексас отвориле училиште. Дојдов во САД затоа што тука имав пошироко поле на развој, а тука беше и Румен, ми помогна да се сместам. И денес сме заедно, често се гледаме, живееме на 30 километри еден од друг“, вели Владимир.

Во Сан Антонио работел како тренер во два клуба. Во 2010 година, создал свој клуб Acrobatic Gymnastics of San Antonio(AGSA). Започнал со мал клуб, а потоа се сели во голема сала. Паралелно работел 10 години со комисијата за избор и како селектор на репрезентацијата на САД во акробатика – од 2012 до 2022 година. Одржувал мастер часови, семинари и кампови за тренери и натпреварувачи ширум Америка.

„Веќе имам 48 години и одамна не сум правел свои акробатски шоуа. Возраста не ми дозволува да правам салто, но продолжувам како тренер. Наскоро ќе одам на семинар со „Тимот на младите американски надежи“, вели Владимир.

„Не сум се натпреварувал на американско тло, но изградив борбени натпреварувачи“, додава тој. Последните 10 години неговите воспитаници од репрезентацијата, имаат освоени голем број сребрени медали на светски првенства и неколку бронзени медали на јуниорски првенства.

Тимот зема деца од 6 години. Родителите ги запишуваат да тренираат со идеја да се занимаваат со акробации, а Владимир ги избира најталентираните и работи со нив чекор по чекор додека не ги одведе на натпревари.