ВМРО-ДПМНЕ: 33 градинки и 68 училишта, отпочнати со реализација за само 100 дена

33 градинки и 68 училишта, отпочнати со реализација за само 100 дена од мандатот на градоначалниците од ВМРО-ДПМНЕ, соопшти опозициската партија.

„ Сите градинки во општина Аеродром добија фотоволтаични кровни конструкции, а со истиот систем се опремени и дел од основните училишта. 1090 е вкупниот број на проекти, кои ги отпочнаа, а дел од нив и целосно реализираа градоначалниците од ВМРО-ДПМНЕ.

Нема општина каде не се чувствува разликата. За 100 дена градоначалниците на ВМРО-ДПМНЕ имаат направено многу повеќе од нивните претходници од СДСМ за 3 години.

Во дваесетината општини каде градоначалниците се од СДСМ или ДУИ, нема отчет за сработеното, затоа што немаат проекти со кои што може да се пофалат. Паниката во СДСМ е голема, затоа што градоначалниците од ВМРО-ДПМНЕ покажаа како се работи“ наведуваат од ВМРО-ДПМНЕ.