| |

ВМРО-ДПМНЕ: БОЧВАРСКИ ПРИЗНА ДЕКА ТРАСАТА ЗА АВТОПАТОТ КИЧЕВО – ОХРИД НЕ БИЛА ПРОМАШЕНА

Владата е генератор на лажни вести, а Зоран Заев е најголемиот измамник во Македонија, смета опозициската ВМРО-ДПМНЕ.

Преку соопштение опозицијата обвинува дека Заев рекол оти трасата за автопатот Кичево-Охрид била промашена само за да го оцрни проектот на ВМРО-ДПМНЕ, за да ја оправда сопствената неспособност и да украде пари.

„Вчера неговиот послушник Бочварски призна дека лажеле и дека трасата не е промашена, а Заев за три години власт не успеа да го доврши проектот, но склучи дополнителни анекси на договорот тешки стотици милиони евра.
Заев ги излажа граѓаните пред предвремените парламентарни избори во 2016 година. Заев ги лаже граѓаните и сега. Разликата е што во 2016 граѓаните му поверуваа, а сега никој не му верува“, велат од ВМРО-ДПМНЕ.

Опозицијата додава и дека постоело верување за 140 милиони евра за развој на домашните фирми, а дадени се само 10 милиони евра преку Фондот за иновации на фирми на роднини на функционерите на СДСМ.

„Граѓаните не му веруваат на Заев затоа што вети дека ќе ги изгради ХЕЦ Чебрен и ХЕЦ Галиште. Три години како е на власт нема ни И од изградба. Граѓаните не му веруваат на Заев затоа што вети пренамена на ТЕЦ Неготино во енергетско-земјоделски комбинат, кој ќе функционира на природен гас. Три години откако е на власт ништо од тоа што е ветено не е ни почнато. Зоран Заев сè што вети излажа. Владата е генератор на лажни вести. Следува одговорност за сите лаги во изминативе 3 години. Претстои промена. По 12 април следува обнова на Македонија“, додава ВМРО-ДПМНЕ во соопштението.

Слични Објави