Во Босилеград почна ликовниот пленер „Босилеград во бои“- учествуваат уметници од Бугарија, Северна Македонија и Србија
Со свечена церемонија во Босилеград на 14 јули беше отворено шестото издание на меѓународниот ликовен пленер „Босилеград во бои“ – 2026, во организација на здружението „ГЛАС“ од Босилеград и Студентското читалиште „Св. Климент Охридски 1997“ од Софија, јавува БТА.
На еднонеделниот пленер учествуваат 17 уметници од Бугарија, Србија и Република Северна Македонија. Тие ќе создаваат дела инспирирани од природните и културно-историските знаменитости на Босилеградскиот крај, а во програмата се предвидени и посети на Власинското Езеро и Ќустендил.
Пред отворањето, учесниците ги посетија селото Извор, црквата „Света Троица“ и првото ќелијно училиште во регионот, изградени во периодот од 1833 до 1835 година.
Пленерот нема однапред определена тема или жанр, што им овозможува на уметниците слободно да ги изразат своите идеи и впечатоци.
Манифестацијата ќе заврши со изложба на создадените дела, која ќе биде отворена на 18 јули на летната сцена во дворот на здружението „ГЛАС“.
