Во Бугарија се одржуваат локални избори

Бугарските граѓани денеска гласаат на локални избори. Формираните избирачки места се повеќе од 12.300.

Изборниот ден започна во 7 часот, а се очекува да заврши во 20 часот. Дотогаш остануваат на сила забраните за спроведување политичка агитација и објавување на резултатите од социолошките истражувања.
Одѕивот на гласачите во земјава заклучно со 09.00 часот е блиску до оној за време на локалното гласање во 2019 година и достигна 1,9 отсто.

Ова го покажуваат податоците од Егзит анкетата на социолошката агенција „Галуп интернешнал Балкан“ – партнер на БНР за локалните избори.

Во големите градови излезноста во 09.00 часот варира помеѓу 1,8-1,9% во Софија до 6,0% во Благоевград.

Во Пловдив активноста во исто време е околу 2%, во Варна – 3%, а во Карџали – 5,5 проценти.

Активноста во 09:00 часот утринава е блиска до онаа во 2019 година, но со различни варијации, коментира за БНР П’рван Симеонов, извршен директор на Галуп Интернешнл Балкан.

Во поголемите градови, активноста традиционално е помала во овој момент, посочи тој. Софија гласа на исто ниво како и во 2019 година, во Пловдив нивоата се слични и малку пониски, во Варна се нешто повисоки, а во Благоевград и Карџали – пониски. Бројките се условни, а примероците за различни градови различно се однесуваат, појасни Симеонов.