Во Европскиот парламент беше претставен филм за спасувањето на бугарските Евреи

ЕУ треба да ни помогне да направиме игран филм за спасот на бугарските Евреи, кој потоа ќе биде распространет низ целиот свет – ова за Хоризонт го изјави Михаел Бар-Зоар, авторот на документарниот филм „Подалеку од Хитлеровиот стисок“. Тој беше претставен во Европскиот парламент на конференција посветена на 80-годишнината од спасувањето на бугарските Евреи, организирана од европратениците од Европската народна партија Андреј Ковачев, Асим Адемов и Александар Јорданов.

„Денес, кога се навршуваат 80 години од тоа херојско спасување, во време на геополитички потреси предизвикани од агресор на нашиот Исток, да се потсетиме колку е важно никогаш да не молчиме пред злото“, кажа во својата порака до учесниците претседателката на Европскиот парламент Роберта Мецола.

Европратеникот Андреј Ковачев истакна:
„Можеме само да се гордееме што нашите предци тогаш не потклекнале на притисокот и заканите. Истовремено изразуваме длабоко жалење за она што им се случило на депортираните од Македонија и Беломорска Тракија, тогаш окупирани од германскиот Рајх”.
Бугарија не можеше да ги спаси Евреите од окупираните територии, категоричен беше Михаел Бар-Зоар.
„Профашистичката влада соопшти дека Бугарија е обединета со Тракија и Македонија. Но, Германија не го прифати тоа.
Бар-Зоар имал 10 години кога ја напуштил Бугарија во 1948 година за да замине со родителите во Израел. Пред тоа, на 4-годишна возраст, со родителите бил преселен во едно село. Еве што се сеќава од тогаш:
„Има една фотографија направена случајно на 24 мај 1943 година – денот на втората депортација. Мајка ми е прегрната со четири Бугарки, четири христијанки. Мајка ми е единствена со еврејска ѕвезда. А таква фотографија не може да се направи на друго место во Европа.