Во Момчилград е отворена меморијалната куќа-музеј „Наим Сулејманоглу“

Во присуство на дипломати, министри од Бугарија и Турција, пратеници и претставници на локалната власт, во Момчилград беше свечено отворена меморијалната куќа-музеј „Наим Сулејманоглу“. Настанот се одржа на осумгодишнината од смртта на легендарниот светски и олимписки шампион, познат како „Џебниот Херкулес“, јавува БНР.

Во куќата, Сулејманоглу живеел со своето семејство од најрана возраст до младешките години. „Денес го пречекуваме нашиот Наим во Момчилград – со куќата каде што порасна и улиците по кои чекореше. Се поклонуваме пред неговата светла меморија,“ изјави градоначалничката Илкнур Казим.

Меѓу гостите присуствуваа бугарскиот министер за млади и спорт, Иван Пешев, неговиот турски колега Осман Бак, турскиот амбасадор во Софија Мехмет Ујаник, генерален конзул Емре Манав, како и високи претставници од Турција и Бугарија. Дел од нив упатија поздравни говори.

Министерот Пешев истакна дека Наим бил симбол на волја, решителност и единство, а турскиот амбасадор нагласи дека присуството на толку многу високи гости ја потврдува улогата на Сулејманоглу како мост меѓу двете земји.

Градоначалникот на Крџали посочи дека претворањето на куќата во музеј е најмалото признание за животот и достигнувањата на Наим Сулејманоглу.