Во Скопје ќе се одбележи 24 Мај – Денот на бугарската просвета, култура и словенската писменост
Бугарскиот културно-информативен центар во Скопје на 14 мај со почеток во 18:00 часот ќе организира свеченост по повод 24 Мај – Денот на бугарската просвета, култура и словенската писменост.
Програмата предвидува отворање на изложбата „Заедно по патот на Кирил и Методиј“ на Радио за Бугарите во странство „Татковина“, како и свечена програма подготвена од учениците од училиштето „Здравеј“. Изложбата ќе може да се види до 5 јуни.
Во рамки на настанот ќе настапи и шестгодишната Пламена Петрова од Ќустендил со музичка изведба, а ќе биде претставена и арт-инсталацијата „За буквите“ на Здружението „Духовно огледало“ од Бугарија.
