Во Софија го отвораат првиот планетариум
Пред Регионалниот центар за современи уметности „Топлоцентрала“ во Софија, денеска со официјална свеченост ќе биде отворен првиот планетариум во главниот град. Дијаметарот на куполата е 5 метри, висината е 4,6 метри и има капацитет од 15 луѓе. Планетариумот ќе ги пречека првите посетители на 26-ти ноември, јавува BNR.bg.
Воздухопловните инженери Недислав Веселинов и Јанислав Мирков ја креирале структурата на објектот. Дипломирале на отсекот „Изградба на авиони“ на Московскиот авијациски институт.
Во планетариумот ќе бидат прикажани популарни научни филмови за Вселената, океаните и Земјата. За најмладите се предвидени цртани филмови со истата тематика.
Досега Софија беше единствената европска престолнина без планетариум.
