Во Софија по петти пат ќе се одржи поетскиот фестивал „Софиски метафори“

Поети, преведувачи и културни менаџери од повеќе европски земји и Бугарија ќе се сретнат во Софија за да се фасцинираат, размислат и за да се инспирираат. Учесниците на меѓународниот поетски фестивал „Софијски метафори“ во рок од два дена ќе одржат поетски фестивал, ќе пишуваат, преведуваат и читаат пред софиската публика песни посветени на бугарскиот главен град. Тие ќе имаат можност да разговараат и за идни креативни соработки.

Целта на овој фестивал е да се промовира во странство културното наследство и различноста на бугарскиот главен град, да се промовираат врските меѓу бугарската и европската култура и уметност, да се придонесе за збогатувањето и разноликоста на културниот живот во Софија.

Настанот ќе се одржи на 23 и 24 септември. Официјалното отворање на „Софијски метафори“ е на 23 септември на плоштадот „Света Недела“, а потоа поетите ќе посетат три локации во градот. Во рок од 30 минути, тие ќе имаат задача да напишат песна посветена на соодветната локација. Поетските точки се црквата „Света Недела“, споменикот на Алеко Константинов и Националниот дворец на културата (НДК). Подоцна ќе има и меѓународно поетско читање во Чешкиот културен институт.

На фестивалот ќе учествуваат следните поети: Моника Мештерхази (Унгарија), Кристина Кочан (Словенија), Флорина Захарија (Романија), Чаала Мекнуз (Турција), Фахредин Шеху (Косово), Петар Чухов, Иваша Христова, Александар Арнаудов, Анастасија Стоева, Стефан Иванов, Калојан Христов, Лидија Г’л’бова, Борислав Стојанов, Људмила Миндова, Иван Христов и ученици од приватното средно училиште по германски јазик „Ерих Кестнер“ – Софија.

Теодора Станкова, директорка на Меѓународниот поетски фестивал „Софски метафори“, вели:

„На жителите на Софија и на гостите им ветувам дека следниот викенд Софија повторно ќе слави. Тогаш ќе ги исполниме улиците на градот со зборови, со поезија, со слики и со позитивизам. Веќе 5 години „Софијски метафори“ учествува во културниот календар на главниот град. Им благодариме на сите наши партнери кои застанаа зад нас низ годините.

На 24 септември во 18:00 часот на плоштадот „Славејков“ ќе се одржи завршна фестивалска вечер на која поетите ќе ги претстават пред софијската публика делата создадени за време на поетскиот фестивал „Софијски метафори“, на нивниот мајчин јазик и во превод на бугарски.

Фотографиите направени за време на фестивалот ќе бидат проектирани за време на читањето кога е и официјалното затворање на фестивалот.

Сите настани ќе бидат со безплатен влез.

Организатор на фестивалот е тимот од фондацијата „Софијски метафори“, со поддршка на програмата „Култура“ на општина Софија, Чешкиот центар – Софија, Унгарскиот културен институт – Софија, Софијската библиотека и Приватното училиште за германски јазик „Ерих Кестнер“ – Софија.