Втор хеликоптер се вклучува во гаснењето на пожарот кај селото Славјанци во Бугарија
Втор хеликоптер е ангажиран во гаснењето на големиот шумски пожар во близина на селото Славјанци, информираа од прес-центарот на општина Сунгурларе во Бугарија.
Во моментов, еден воен хеликоптер веќе работи на терен. Огнената стихија целосно го уништи објектот „Шато Зеланос“, а постои опасност пламените да ги зафатат и постројките на „Винекс Славјанци“.
За сега, жителите на Славјанци и Сунгурларе нема да бидат евакуирани, но надлежните институции се во готовност да ја преземат и таа мерка доколку ситуацијата се влоши. На територијата на општината е прогласена вонредна состојба.
Временските услови се неповолни – дува силен ветер во насока на пожарот, што дополнително го отежнува неговото гаснење. На терен се присутни девет противпожарни екипи, шумарски работници и доброволци кои се борат со огнот.
