Заедничка остра осуда од Османи и Генчовска за инцидентот во Битола

//

Министерот Бујар Османи и неговата колешка од Бугарија, Теодора Генчовска заедно со тимовите на министерствата за надворешни работи денес одржаа работна средба како дел од дводневната работна посета во Македонија.

Разговорите протекоа во пријателска и конструктивна атмосфера во функција на продолжување на дијалогот меѓу двете министерства за надминување на отворените билатерални прашања согласно Договорот за пријателство, добрососедство и соработка и унапредување на евроинтеграцискиот процес на Северна Македонија, информираат од Министерството за надворешни работи.

„ Разговорите ќе продолжат и во текот на наредниот ден и дополнително ќе се интензивираат во периодот кој претстои во насока на изнаоѓање на взаемни решенија за остварување на споделената цел за унапредување на европската иднина на Северна Македонија.

За време на средбата заеднички беше остро осуден инцидентот во Битола. Двете министерства ќе продлжат да наоѓаат взаемно прифатливи решенија и да ги унапредуваат билатерталните односи помеѓу двете земји“ се наведува во соопштението на МНР.



Извор: Темите

Претходна статија

Николовски: Веднаш по тутунарите, ќе ги исплатиме и субвенциите за сточарите

Следна статија

Петков: Палењето на Културниот центар „Иван Михајлов“ е обид за провокација и дестабилизација на нашите односи

Најново од Вести