Започнува 77-то издание на Националниот поход по стапките на Ботевата чета
Повеќе од 1700 учесници ќе станат дел од 77-тото издание на Националниот поход по стапките на Ботевата чета од Козлодуј до историскиот врв Околчица во Бугарија.
Походот по стапките на Ботевата чета од Козлодуј до врвот Околчица е 5-дневен преод со должина од 120 километри е традиционален настан што се организира во чест на бугарскиот поет и револуционер Христо Ботев и неговата чета во 1876 г.
„Различен терен, движење по асфалтиран пат, потоа планински релјеф – има од сè по малку“, рече раководителот на походот Евгени Филипов за БНР и истакна дека манифестацијата нема аналог во Европа по трајност и масовност.
Од 1.700 луѓе кои учествуваат во походот оваа година, повеќе од 1.400 се ученици. Обласниот управител на Враца, Никола Николов, коментира:
„Ќе има претставник кој ќе одржува историски беседи од РИМ-Враца, ќе има читања, рецитации, игри. Мора да има дисциплина и да се оддаде почит и спомен. Според мене, ова на некој начин нè поттикнува да правиме промени во денешниот свет, да бидеме подобри.“
