Засилени безбедносни мерки во Софија за церемонијата за цар Самуил
Во Софија на 3 октомври ќе бидат воведени засилени безбедносни мерки и привремена сообраќајна регулација поради државната церемонија за прием и положување на посмртните останки на цар Самуил, јавува БГНЕС.
Пречекот ќе започне во 12:30 часот на плоштадот „Кнез Александар I Батенберг“, по што посмртните останки ќе бидат пренесени во црквата „Св. Софија“.
Софиската дирекција на внатрешни работи ќе воспостави безбедносни зони околу двете локации и ќе спроведува контролирани проверки на присутните. Нема да бидат дозволени лица со обемен багаж, сомнителни пакети или предмети што можат да бидат употребени за повредување.
Од 12:00 часот сообраќајот ќе се ограничува етапно долж маршрутата на поворката, вклучително на булеварите „Брисел“, „Цариградско шосе“ и „Цар Освободител“, како и на улиците „Г.С. Раковски“ и „Обориште“.
Предвидени се и ограничувања за паркирање на повеќе локации во центарот на Софија.
