Желјазков: 24 мај е најубавиот и најсветлиот бугарски празник
„24 мај е најубавиот и најсветлиот бугарски празник – зрак од минатото, кој ја осветлува сегашноста и гледа кон иднината“.
Ова го изјави бугарскиот премиер Росен Желјазков во својата честитка по повод Денот на светите браќа Кирил и Методиј, на бугарската азбука, просвета и култура и на словенската книжевност. Премиерот нагласи дека овој ден е симбол на духовната големина на Бугарија и на постојаниот стремеж кон знаење, просвета и напредок.
Во својата честитка бугарскиот премиер се обрати и до Бугарите во странство. Тој изрази благодарност кон илјадниците Бугари низ светот, кои преку својата трудолюбивост, знаење и лојалност го заработуваат почитувањето и го одржуваат живиот бугарски дух. Посебен акцент Желјазков стави на улогата на бугарските неделни училишта во странство, определувајќи ги како „огништа на знаење и дух“, каде се чуваат јазикот, културата и бугарската самосвест.
