Желјазков: Бугарија ја поддржува иницијативата ООН-80 и реформите за посилна организација

Бугарија ја поздравува иницијативата ООН-80 како чекор кон поцврста организација и ги поддржува приоритетите поврзани со реформите за мир и безбедност, одржлив развој и заштита на човековите права. Ова го изјави бугарскиот премиер Росен Желјазков на средбата со генералниот секретар на ООН, Антонио Гутереш, во рамките на 80. сесија на Генералното собрание на ООН во Њујорк.

„Ги изразивме нашите грижи за продолжувачките глобални тензии кои ги оддалечуваат државите од постигнување на овие цели, но и оптимизам дека постојат многу можности, меѓу кои науката и технологијата, за нивна реализација,“ истакна Желјазков.

Генералниот секретар Гутериш се заблагодари за поддршката на реформите и ѝ честиташе на Бугарија по повод 70-годишнината од членството во Обединетите нации. Во разговорот биле засегнати и улогата на Бугарија во европскиот контекст, како и предизвиците поврзани со нејзината геополитичка позиција во Црноморскиот регион.

За време на средбата, премиерот Желјазков го претстави новиот постојан претставник на Бугарија при ООН, Гергана Караџова, која од оваа година ќе ја предводи бугарската мисија во Њујорк.