Желјазков со честитка за празникот: Единството ѝ носи благосостојба на Бугарија и на сите нас
Бугарскиот премиер Росен Желјазков упати честитка до Бугарите по повод одбележувањето на 140-годишнината од Соединението на Бугарија.
„Почитувани сограѓани, Ве поздравувам по повод 140-годишнината од Соединението на Бугарија. Оваа страница од бугарската историја носи силен родољубив набој и останува непреоден пример за силна народна волја и државничка мудрост,“ изјави премиерот.
Желјазков нагласи дека денеска се оддава почит на делото на хероите и револуционерите, чие чувство за правда и национална припадност им дало храброст, сила и одлучност да ги стават интересите на Бугарија над сè.
„Историјата повеќепати ни покажала дека единството е најправилниот избор кој носи благосостојба за нашата земја и за сите нас. Секогаш кога сме заедно и ги обединиме напорите со чувство на одговорност за нашата заедничка иднина, пред нас се отвора хоризонтот кој цврсто го трасира просперитетот на Бугарија. Честит празник!“, порача премиерот Росен Желјазков.
