Бугарската амбасадорка во Република Ирска Вања Андреева ја посети изложбата „Нечуените 12 милиони“, посветена на Ромите и патувачките заедници во Европа

Амбасадорката на Бугарија во Република Ирска Вања Андреева ја посети изложбата „Нечуените 12 милиони“, посветена на Ромите и патувачките заедници во Европа, соопшти Амбасада на Бугарија во Даблин, пренесува БТА.

Изложбата, организирана од Pavee Point и поддржана од Совет на Европа, беше претставена во април, месецот кога се одбележува Меѓународниот ден на Ромите и патувачките заедници.

Преку фотографии и лични приказни се прикажува животот на овие заедници во Европа, вклучително и во Ирска, со акцент на улогата и отпорноста на жените.

„Изложбата е јасен повик за акција да гарантираме дека човековите права и еднаквоста важат за сите во општеството“, соопштија од дипломатската мисија.

Од амбасадата посочија дека иницијативата им оддава признание на активистите кои се борат против дискриминацијата и за поправедно општество.