Сергеј Игнатов: Бугарското образование ги исполнува централноевропските барања

Бугарското образование се развива во позитивна насока, изјави во „Денот започнува“, поранешниот ресорен министер проф. Сергеј Игнатов.

„Позитивно е зголемувањето на улогата на наставникот во бугарскиот образовен систем и плаќањето на неговиот труд. Нашето образование ги исполнува централноевропските барања. Има позитивни и негативни страни. Негативната страна е провинцијализмот во бугарскиот образовен систем“, кажа тој.

Според него, бугарските ученици се преоптоварени, а има лобија кои „кружат околу министерството и сакаат да се зголеми бројот на часовите“. Тоа може да доведе до следната криза, предупреди проф. Сергеј Игнатов.

Според проф. Игнатов, наставните програми треба да се поедностават.

„Живееме во општество каде што информацијата е насекаде и треба да се пресее. Современиот свет бара знаењето да стане алатка за решавање на проблемите“, нагласи тој.