Бугарската театарска претстава ,,Вражалец” нема да биде поставена во РС Македонија

Бугарската театарска претстава ,,Вражалец” која требаше да ја насмее публиката во три града на РС Македонија во почетокот на февруари нема да се постави. Гостувањето на едни од најпознатите бугарски актери по иницијатива и финансирање на фондацијата ,,Бугарска памет ” и Министерството за надворешни работи на Република Бугарија требаше да стане реалност на први, втори и трети февруари во Битола, Штип и Струмица.

,, Вчера попладне во рамките на неколку минути добивме две известувања од салите во Штип и Струмица за еднострано прекинување на договорите за настанот поради технички проблеми во театрите, поврзани со електричниот систем, кровот и затоплувањето. Проблеми кои не го дозволуваат одржувањето на настаните. Го контактиравме битолскиот театар и за жал од таму не добивме позитивен одговор за тоа дека претставата може да се постави според планот. За жал, претставата ,,Вражалец ” нема како да гостува во РС Македонија на оваа етапа”, информираат од тимот на фондацијата ,,Бугарска памет”.

Организаторите се категорични дека нивната желба да ги насмеат луѓето во РС Македонија со гостување на бугарски театар останува и ќе направат се што е можно да ја реализираат таа идеја во иднина.