Срамна карикатура на Шарли Ебдо: „Илустрација на денот, нема потреба да се испраќаат тенкови“

Францускиот сатиричен магазин Шарли Ебдо предизвика бес со карикатурата што ја објави за Турција по двата разорни земјотреси во кои загинаа илјадници луѓе, а десетици илјади беа повредени.

Карикатурата објавена на Твитер како „илустрација на денот“ прикажува срушени и оштетени згради, превртен автомобил и планина од урнатини.

Во горниот десен агол на карикатурата е напишано „Земјотрес во Турција“, а на дното „Нема потреба да се испраќаат тенкови“.

✏️Le dessin du jour, par #Juin pic.twitter.com/kPcEqZDocO

— Charlie Hebdo (@Charlie_Hebdo_) February 6, 2023

Корисниците на Интернет реагираа на оваа објава изразувајќи ја својата фрустрација и гнев.

Парискиот институт Босфор, кој работи на зајакнување на пријателството меѓу Франција и Турција, ја осуди карикатурата како „срамна, патетична и жална“.

„ Оваа карикатура не е ништо друго освен срам – изјави Франсоа Бургат, политиколог од францускиот Национален центар за научни истражувања.