(Галерија) Деца од Северна Македонија и Бугарија во посета на Европскиот парламент

Деца од Северна Македонија и Бугарија отпатуваа во Брисел во тридневна посета на Европскиот парламент на покана на бугарскиот европратеник д-р Андреј Ковачев и со поддршка на Фондацијата „Бугарска памет“ и нејзиниот основач и претседател, д-р Милен Врабевски.

Групата од 30 деца ја сочинуваат ученици од Детското ликовно студио „Св. Св. Кирил и Методиј“, градот Битола и деца од Јакоруда, Белица, Абланица и Долно Дрјаново во Бугарија. Во бугарската група се и стипендистите на Фондацијата „Бугарска памет“ во приватното средно училиште за природни науки и претприемништво „Асен Јорданов“ во Софија, дел од образовниот комплекс „Цар Симеон Велики“.

За време на првиот ден од нивната посета на Брисел, групата ги разгледала знаменитостите во центарот на белгиската престолнина придружувана од лиценциран туристички водич.

Денот за групата завршил со свечена вечера во друштво на европратеникот д-р Андреј Ковачев, бугарската еврокомесарка Марија Габриел и претседателот на Фондацијата Бугарска памет д-р Милен Врабевски.

Во рамки на програмата во вториот ден од престојот во Брисел, групата ќе го посети Европскиот парламент.

По посетата на Брисел, децата од Северна Македонија и Бугарија ќе поминат два дена во Софија за да ја разгледаат бугарската престолнина и да посетат разни државни институции.