Во хотелите во Златните Песоци сè уште се сместени украински бегалци
Преслав Луканов е сопственик на неколку хотели во Златните Песоци. Од почетокот на војната, во трите негови објекти има сместено 600 украински бегалци.
Поради пандемијата и војната, хотелите не работеле со туристи, но сега ќе се обидат делумно да ослободат еден од хотелите за да прима туристи со понуди од типот „last minute“ и претежно од романскиот пазар.
Во базата на Луканов има организиран образовен центар за децата на бегалците. Со поддршка на УНИЦЕФ и невладина организација и со помош на Американската амбасада има издвоени простории за целодневна детска градинка и за мини училиште. Некои од децата учат хибридно – и во самиот центар и онлајн. Слични центри има во Кранево и Св. Константин и Елена.
Хотелиерот бара програмата за поддршка на бегалците, која сега се продолжува од месец за месец, да биде продолжена на подолг период за поголема предвидливост.
