Бугарите настапуваат во шест спортови на Игрите денес

Извор: БНР

Бугарија во понеделник на 29 јули на Олимписките игри во Париз ќе има претставници во шест спортови.

Во 9:15 часот (наше време) започнуваат квалификациите за мешан тим воздушен пиштол 10 метри. Антоинета Костадинова и Кирил Киров се наши претставници во оваа дисциплина на стрелиштето во Шатору.

Во 10:00 часот џудистот Марк Христов стартува во категоријата до 73 килограми со борба против Александре Хусеин од Џибути, кој е натурализиран Французин. Доколку успее, Христов продолжува во 1/16 финалето.

Габриела Георгиева ќе плива на третата патека на 100 метри грбно во 11:13 часот. Доколку вечерва се претстави добро, ќе учествува во полуфиналето на дисциплината.

Во мечување, Јоана Илиева ќе го започне учеството во сабја со дуел против Јапонката Риза Такашима. Софијанката со очекувана победа продолжува во елиминациите.

Радослав Росенов денеска ќе боксува во олимпискиот ринг во категоријата до 63,5 килограми. Во осминафиналето противник му е Канаѓанецот Вајат Санфорд.

Викторија Томова во понеделник треба да го одигра својот натпревар од второто коло на тенискиот турнир на комплексот Ролан Гарос. Во 13 часот и 30 минути е закажан натпревар против Ема Наваро од САД.